நீங்கள் தேடியது "ஷேன் வார்னே"

ஆஸ்திரேலியா - இந்தியா இடையில் நான்கு போட்டிகள் கொண்ட டெஸ்ட் தொடர் நடைபெற்று வருகிறது. பால் டேம்பரிங் விவகாரத்திற்குப் பிறகு ஆஸ்திரேலியா அணி மீது அந்நாட்டு ரசிகர்களுக்கு வெறுப்பு ஏற்பட்டது. அடிலெய்டில் நடைபெற்ற முதல் டெஸ்டில் இந்தியா வெற்றி பெற்றது.

பெர்த்தில் நடைபெற்ற 2-வது டெஸ்டின்போது விராட் கோலி - டிம் பெய்ன் இடையே கடும் வார்த்தைப்போர் நடைபெற்றது. இது ரசிகர்களை மிகப்பெரிய அளவில் ஈர்த்தது. இந்த டெஸ்டில் ஆஸ்திரேலியா அசத்தல் வெற்றி பெற்றது. இப்படியே இந்த தொடர் முழுவதும் தொடர்ந்தால் ரசிகர்களை சகஜ நிலைக்கு திரும்பி விடுவார்கள் என்று வீரர்கள் நினைக்கிறார்கள்.

மெல்போர்னில் நாளை தொடங்கும் 3-வது போட்டியிலும் ஸ்லெட்ஜிங்கை காணலாம் என ரசிகர்கள் எதிர்பார்த்துக் கொண்டிருக்கின்றனர். இந்நிலையில் இந்த வருடத்தின் சிறந்த டெஸ்ட் தொடர் இதுதான். ஏனென்றால் விராட் கோலி என ஷேன் வார்னே தெரிவித்துள்ளார்.



இதுகுறித்து ஷேன் வார்னே கூறுகையில் ‘‘இந்த வருடம் இந்த டெஸ்ட் தொடர் சிறப்பானது. ஏனென்றால் தொடர் 1-1 என சமநிலையில் உள்ளது. விராட் கோலி இருப்பதால் இந்த தொடர் சிறப்பானது. விராட் கோலி உலகின் தலைசிறந்த வீரர்.

நாம் விரும்பும் நகரில் ஒன்று மெல்போர்ன். உலகின் விளையாட்டின் தலைநகரம் மெல்போர்ன். மெல்போர்ன் எனக்கு மிகவும் பிடிக்கும். ஒவ்வொரு பாக்சிங் டே டெஸ்டிற்காக இங்கு வரும்போது முதல் நாள் ஆட்டம் ஆஸ்திரேலியாவின் மிகப்பெரிய நாளாக இருக்கும்’’ என்றார்.

ஆஸ்திரேலியா அணி கடந்த மார்ச் மாதம் தென்ஆப்பிரிக்காவில் சுற்றுப் பயணம் செய்து விளையாடியது. கேப் டவுனில் நடைபெற்ற போட்டியின்போது பான்கிராப்ட் பந்தை உப்புத்தாளால் சேதப்படுத்தினார். இதற்கு மூளையாக செயல்பட்டவர் துணைக்கேப்டன் வார்னே என்பதும், இந்த விஷயம் கேப்டன் ஸ்மித்திற்கு தெரிந்தே நடந்தது என்றும் விசாரணையில் தெரிய வந்தது.

இதனால் பான்கிராப்டிற்கு 9 மாதமும், வார்னர் மற்றும் ஸ்மித்திற்கு ஓராண்டு தடையும் விதிக்கப்பட்டது. வார்னர் மற்றும் ஸ்மித் இல்லாமல் ஆஸ்திரேலியா அணி சர்வதேச அளவில் திணறி வருகிறது. ஆஸ்திரேலியாவில் உள்ள கிரிக்கெட் வீரர்களுக்கான சங்கம் மூவர் மீதான தடையை நீக்க வேண்டும் என்று வலியுறுத்தியது.



இதனால் கிரிக்கெட் ஆஸ்திரேலியா தடையை நீக்க பரிசீலனை செய்து வருகிறது. இந்நிலையில்தான் சிட்னியை மையமாகக் கொண்ட நெறிமுறை மையம், ‘‘திமிரான போக்கு மற்றும் கிரிக்கெட்டை கட்டுக்குகள் வைத்துக் கொள்வது போன்ற கலாச்சாரத்தின் அடிப்படையில், எப்படியாக வெற்றிபெற வேண்டும் என்ற எண்ணத்தை வீரர்களிடம் விதைத்ததே ஆட்சிமன்ற குழுதான்’’ என்று குற்றம்சாட்டியிருந்தது.

இதனால் ஆஸ்திரேலியா கிரிக்கெட் வாரியத்தின் முக்கியமான தலைவர்கள் தங்களை பதவிகளில் இருந்து விலகி வருகிறார்கள். இந்நிலையில் முன்னாள் சுழற்பந்து வீச்சு ஜாம்பவான் ஆன வார்னே, இக்கட்டான நிலையில் தவிக்கும் ஆஸ்திரேலியா கிரிக்கெட் வாரியத்திற்கு உதவத் தயார் என்று கூறியுள்ளார்.

ஆஸ்திரேலியா அணியின் தலைசிறந்த சுழற்பந்து வீச்சாளராக திகழ்ந்தவர் ஷேன் வார்னே. ‘லெக் பிரேக் ஹூக்ளி’ ஸ்டைலில் பந்து வீசிய வார்னே, உலக பேட்ஸ்மேன்களுக்கு சிம்ம் சொப்பனமாக இருந்தார். டெஸ்ட் போட்டியில் சர்வதேச அளவில் 708 விக்கெட்டுக்கள் வீழ்த்தி 2-வது இடத்தில் உள்ளார்.

இவர் ‘NO SPIN’ என்ற புத்தகத்தை எளிதியுள்ளார். இதில் சச்சின் தெண்டுல்கர், லாரா ஆகியோரின் பேட்டிங் திறமையை வெகுவாக புகழ்ந்துள்ளார்.

சச்சின் தெண்டுல்கர், லாரா குறித்து வார்னே தனது புத்தகத்தில் ‘‘என்னுடைய காலக்கட்டத்தில், என்னுடைய நேரத்தில் சச்சின் தெண்டுல்கர், பிரையன் லாரா தலைசிறந்த பேட்ஸ்மேன்கள் என்பதை எளிதாக கூறிவிட முடியும்.



டெஸ்ட் தொடரில் கடைசி நாளில் யராவது ஒருவர் செஞ்சூரி அடிக்க வேண்டும் என்று நான் விரும்பினால், லாராவை களம் இறக்குவேன். ஆனால், எனது வாழ்நாளில் ஒரு வீரர் பேட் செய்ய வேண்டும் என்று நான் விரும்பினால், சச்சின் தெண்டுல்கரைத்தான் களம் இறக்குவேன். சச்சின் தலைசிறந்த வீரர்’’ என்று குறிப்பிட்டுள்ளார்.

ஆஸ்திரேலிய அணியின் முன்னாள் சுழற்பந்து ஜாம்பவான் ஷேன் வார்னே. இவர் புதிய புத்தகம் ஒன்றை எழுதியுள்ளார். விரைவில் வெளிவரக்கூடிய ‘No Spin’ என்ற இந்த புத்தகத்திலும் முன்னாள் கேப்டன் ஸ்டீவ் வாக்கை வசைபாடியுள்ளார். அவர் அந்த புத்தகத்தில் கூறி இருப்பது பற்றி டைம் பத்திரிகை செய்தி வெளியிட்டுள்ளது. அந்த புத்தகத்தில் வார்னே கூறியிருப்பதாவது:-

ஆஸ்திரேலிய முன்னாள் கேப்டனான ஸ்டீவ் வாக் மிகப்பெரிய சுயநலவாதி. அவரை போன்ற சுயநலவாதி வேறு யாருமில்லை. 1999-ம் ஆண்டு வெஸ்ட் இண்டீஸ் தொடரின்போது நான் அணிக்கு துணை கேப்டனாக இருந்தேன். முதல் 3 டெஸ்ட் போட்டியில் எனது பந்துவீச்சு சுமாராக இருந்தது. இதனால் 4-வது டெஸ்டில் என்னை அணியில் இருந்து ஸ்டீவ் வாக் நீக்கினார்.

ஆலன் பார்டர் என் மீது நம்பிக்கை வைத்து இருந்தார். ஆனால் அவர் நீக்கியது ஏமாற்றமாக இருந்தது. முக்கியமான போட்டியில் அவர் என்னை நம்பவில்லை. ஸ்டீவ் வாக்கை நான் நல்ல நண்பராக கருதியவன். நான் எப்போதுமே அவருக்கு ஆதரவாக இருந்துள்ளேன். ஆனால் அந்த இடத்தில் என்னை கைவிட்டு விட்டார். இதனால் நான் மனம் உடைந்து போனேன்.

முதல் 3 டெஸ்ட்டில் ஸ்டீவ் வாக்கின் கேப்டன் ஷிப் மற்றும் பீல்டிங் வியூகம் குறித்து சில வீரர்கள் என்னிடம் விமர்சனம் செய்தனர். நான் அப்போதும் கூட ஸ்டீவ் வாக்குக்கு ஆதரவாகவே பதில் அளித்தேன். ஆனால் அவர் எனக்கு கைமாறு செய்யவில்லை.

கேப்டன் கனவுடன் ஸ்டீவ் வாக் முற்றிலும் வேறு ஒரு மனிதராகி விட்டார். அவர் என்னை நீக்கியதால் அல்ல. நான் சரியாக ஆடவில்லை எனில் நீக்குவது பற்றி எனக்கு கவலையில்லை. ஆனால் வெறும் ஆட்டம் மட்டுமே அங்கு வி‌ஷயமில்லை. அதையும் தாண்டி சில வி‌ஷயங்கள் இருந்தன என்பதுதான் முக்கியம்.

வெஸ்ட் இண்டீசுக்கு எதிரான 4-வது டெஸ்டில் என்னை நீக்கியதால் ஸ்டீவ் வாக்கை பழி தீர்க்க நினைத்தேன்.



1999 உலக கோப்பையை வென்ற பிறகு இலங்கை சென்றோம். காயம் அடைந்த ஸ்டீவ் வாக் 2-வது டெஸ்டில் ஆட வேண்டும் என்ற பிடிவாதத்தில் இருந்தார். நான் அப்போது பழி தீர்க்க ஆசைப்பட்டேன். அவர் ஆடக்கூடாது என்று நான் நினைத்தேன். ஆனால் ஸ்டீவ் வாக் பக்கம் பயிற்சியாளர் இருந்ததால் அவருக்கு சாதகமாகி விட்டது.

இவ்வாறு வார்னே தனது புத்தகத்தின் ஒரு பகுதியில் தெரிவித்துள்ளார்.

ஸ்டீவ்வாக் 1999-ல் ஆஸ்திரேலிய அணிக்கு உலக கோப்பையை பெற்றுக் கொடுத்தார் என்பது குறிப்பிடத்தக்கது.

இங்கிலாந்து - இந்தியா இடையிலான முதல் டெஸ்ட் எட்ஜ்பாஸ்டனில் நடைபெற்று வருகிறது. இதில் சுழற்பந்து வீச்சாளரான அஸ்வின் அபாரமான பந்து வீச்சை வெளிப்படுத்தினார். முதல் இன்னிங்சில் நான்கு விக்கெட்டுக்களை வீழ்த்தி இங்கிலாந்தை 287 ரன்னுக்குள் சுருட்ட முக்கிய காரணமாக இருந்தார்.

2-வது இன்னிங்சிலும் சிறப்பான பந்து வீச்சை வெளிப்படுத்தினார். முதல் மூன்று விக்கெட்டுக்களை வீழ்த்தி இங்கிலாந்து திணற காரணமாக இருந்தார். இரண்டு இன்னிங்சிலும் 7 விக்கெட் வீழ்த்திய அஸ்வின் விராட் கோலி தலைமையின் கீழ் 200 விக்கெட்டுக்கள் வீழ்த்தியுள்ளார்.



ஒரு கேப்டன் தலைமையின் கீழ் 200 விக்கெட்டுக்கள் வீழ்த்திய முதல் இந்திய வீரர் என்ற பெருமையை பெற்ற அஸ்வின், சர்வதேச அளவில் விரைவாக வீழ்த்திய 2-வது வீரர் என்ற பெருமையை ஷேன் வார்னே உடன் பகிர்ந்துள்ளார்.

சனத் ஜெயசூர்யா தலைமையின் கீழ் முத்ததையா முரளீதரன் 30 போட்டியில் இந்த சாதனையைப் படைத்து முதல் இடத்தில் உள்ளார். வார்னே ரிக்கி பாண்டிங் தலைமையின் கீழ், அஸ்வின் விராட் கோலி தலைமையின் கீழ் 34 போட்டியில் இந்த சாதனையைப் படைத்துள்ளனர்.



மால்கம் மார்ஷல் விவியன் ரிச்சர்ட்ஸ் தலைமையின் கீழ், ஆலன் டொனால்டு குரோஞ்ச் தலைமையின் கீழ், டேல் ஸ்டெயின் ஸ்மித் தலைமையின் கீழ் 40 போட்டியில் 200 விக்கெட்டுக்கள் வீழ்த்தி 3-வது இடத்தில் உள்ளனர்.

கொல்கத்தா நைட் ரைடர்ஸ் நேற்றைய ஆட்டத்தில் ராஜஸ்தான் ராயல்ஸ் அணியை எதிர்கொண்டது. முதலில் பேட்டிங் செய்த ராஜஸ்தான் ராயல்ஸ் 19 ஓவரில் 142 ரன்கள் எடுத்து ஆல்அவுட் ஆனது. முதல் விக்கெட்டுக்கு 4.5 ஓவரில் 62 ரன்கள் குவித்தது ராஜஸ்தான் ராயல்ஸ். இதனால் 200 ரன்னை சர்வ சாதரணமாக தொடும் என எதிர்பார்க்கப்பட்ட நிலையில்தான் சைனமேன் பந்து வீச்சாளரான ரிஸ்ட் ஸ்பின்னர் குல்தீப் யாதவ் பந்து வீச அழைக்கப்பட்டார்.

இவர் அபாரமாக பந்து வீசி 4 ஓவரில் 20 ரன்கள் மட்டுமே விட்டுக்கொடுத்து நான்கு விக்கெட்டுக்கள் வீழ்த்தினார். இந்த போட்டிக்கு முன்பு 12 போட்டிகளில் 9 விக்கெட்டுக்கள் மட்டுமே வீழ்த்தியிருந்தார். இந்த போட்டியில் சிறப்பாக பந்து வீசி அசத்தினார்.



தான் சிறப்பாக பந்து வீசியதற்கு ஷேன் வார்னே அங்கிருந்ததுதான் என்று குல்தீப் யாதவ் கூறியுள்ளார். இதுகுறித்து குல்தீப் யாதவ் கூறுகையில் ‘‘நான் எப்போதுமே ஷேன் வார்னேயின் மிகப்பெரிய ரசிகன். அவர்தான் என்னுடைய முன்னுதாரணம். அவர் முன்னாள் விளையாடும்போது எப்போதுமே, மாறுபட்ட உத்வேகத்தை பெறுவேன். அவர் முன் சிறப்பான பந்து வீச்சை வெளிப்படுத்த விரும்புவேன்.

போட்டிக்குப்பின் அவருடன் பேசிக் கொண்டிருந்தேன். நான் ஏற்கனவே இங்கிலாந்து தொடருக்கான என்னுடைய திட்டத்தை தொடங்கிவிட்டேன். இது அவருடன் சிறிய உரையாடல்தான். ஐபிஎல் தொடருக்குப் பின் ஒருவேளை அவருடன் பேசுவதற்கான வாய்ப்பை பெறலாம்’’ என்றார்.

டெஸ்ட், ஒருநாள் மற்றும் டி20 கிரிக்கெட்டில் 50-க்கு மேல் சராசரி வைத்திருக்கும் ஒரே வீரர் இந்திய அணியின் கேப்டனாக இருக்கும் விராட் கோலிதான். ஆஸ்திரேலியா, தென்ஆப்பரிக்கா, வெஸ்ட் இண்டீஸ் மண்ணில் தனது திறமையை நிரூபித்து விட்டார்.

ஆனால் இங்கிலாந்து மண்ணில் மட்டும் சிறப்பான ஆட்டத்தை வெளிப்படுத்தியது கிடையாது. கடந்த டெஸ்ட் தொடரில் இந்தியா ஐந்து டெஸ்டில் விளையாடியது. அப்போது ஒரு அரைசதம் கூட அடிக்கவில்லை. ஸ்விங் பந்தில் திணறினார். இதனால் இங்கிலாந்து மண்ணில் சிறந்த ஆட்டத்தை வெளிப்படுத்தினால்தான் உலகின் தலைசிறந்த வீரர் என்று கருத முடியும் என முன்னாள் சுழற்பந்து ஜாம்பவான் ஷேன் வார்னே தெரிவித்திருந்தார்.



ஐபிஎல் தொடர் முடிந்தவுடன் இந்தியா இங்கிலாந்து செல்கிறது. அப்போது ஐந்து டெஸ்டில் விளையாடுகிறது. இந்த டெஸ்ட் தொடரில் சிறப்பான ஆட்டத்தை வெளிப்படுத்தும் நோக்கத்தில் விராட் கோலி கவுன்டி போட்டியில் விளையாடுகிறார்.

இந்நிலையில் இங்கிலாந்து விராட் கோலிக்கு நம்பமுடியாத தொடராக இருக்கும் என ஷேர் வார்னே தெரிவித்துள்ளார். இதுகுறித்து ஷேன் வார்னே கூறுகையில் ‘‘இந்தியா முதலில் இங்கிலாந்தை எதிர்கொள்கிறது. விராட் கோலியால் சாதிக்க முடியாத ஒரே இடம் அதுதான். இந்த வருடம் இங்கிலாந்து மண்ணில் அவர் சாதிப்பார். இங்கிலாந்து விராட் கோலிக்கு நம்ப முடியாத தொடராக இருக்கும் என நினைக்கிறேன். இங்கிலாந்தில் அசத்தும் அதே வேகத்துடன் அடுத்து நடைபெறும் ஆஸ்திரேலியா தொடரிலும் அசத்துவார்’’ என்றார்.